Name:                     Sofia
Geboren:                06.01.2020
Rasse:                    Mischling
Geschlecht:           Hündin kastriert
Grösse:                  34 cm / 8 Kg

Mai 2023 Vorstellung von Sofia :
Sofia stammt ursprünglich aus Mallorca. Dort lebte sie seit Welpenzeit bei einer Familie. Nun musste die Familie zurück aufs Festland und das Arbeitspensum musste auf 100 % erhöht werden. So hat man sich zum Wohle von Sofia entschieden, sie dem Tierschutz zu übergeben, damit ein neues Zuhause gesucht werden kann.
Nun befindet sich Sofia seit einigen Tagen bei uns in der Pension und sucht über den  Tierschutzbund Basel Regional ein neues Zuhause. Sie ist eine zutrauliche, selbstbewusste kleine Dame, die gemäss den Angaben aus Spanien auch mit Kindern und Katzen gut klarkommt.


Falls Sie Sofia kennenlernen möchten füllen Sie bitte das Online-Bewerbungsformular vom Tierschutzbund Basel Regional aus.
Bei weiteren Fragen zu Sofia kann man sich auch direkt bei uns melden, per Mail an info@grisette.ch oder telefonisch 0324623219.

24. Mai 2023 Trainingstag mit Sofia :
Auch Sofia durfte am Trainingstag  und am Fotoshootingvom letzten Sonntag  teilnehmen. Hier der Bericht von Elke und die Fotos von Sibylle:
Am Sonntag durfte ich auch die kleine Sofia kennenlernen. Viel gibt es bei ihr nicht zu sagen: klein, kompakt, freundlich und unkompliziert !
 
Sofia war beim Kennenlernen sehr freundlich, aber nicht ungestüm oder stürmisch. Sie wollte gerne gekrault werden und man sieht sofort, dass sie keinerlei schlechten Erfahrungen mit Menschen gemacht hat. Beim Geschirranziehen war sie etwas unterwürfig, aber keinesfalls ängstlich. Sie hört auch gut auf ihren Namen und lief auf dem Spaziergang ganz toll mit, als ob sie nie was anderes mit uns gemacht hätte.
 
Das Kennenlernen mit Polvoron war so unspektakulär wie nur Irgendwas. Sofia ist freundlich interessiert, aber auch hier nicht wild oder ungestüm. Schnuppert interessiert an Polvoron, lässt sich beschnuppern und das war es dann. Den Rest unseres kleinen Spazierganges verhielten sich die zwei wie alte Bekannte. Man schlenderte friedlich dahin
 
Sofia könnte ich mir nun sehr gut als Erst- und Einzelhund vorstellen, sie ist unkompliziert, altersmässig ist sie aus den wilden Jugendjahren heraus und man kann die Vorarbeit ihrer ehemaligen Familie geniessen.
 
Ich bin sicher, dass man mit ihr eine ganz tolle Begleiterin in allen Lebenslagen bekommen wird !
Liebe Grüsse
Elke


So wies aussieht hat Sofia über den Tierschutzbund bereits ein Zuhause gefunden. Der TSB wird zusammen mit ihr ihn Kürze dort vorbeigehen und wenns passt darf Sofia gleich dort bleiben. Daher ist sie zurzeit provisorisch reserviert.

06. Juni 2023 Sofia ist umgezogen :
Vor einigen Tagen durfte Sofia in ihr neues Zuhause umziehen und macht ihrem neuen Frauchen viel Freude :
Grüezi frau scheidegger,
d’sofia esch jetz scho es paar täg bi mer—si macht sech super! Hed alli im storm om eri pfötli gwecklet—d’lüüt us de nochberschaft ond
alli hönd—i gäbt si nömme- si passt zo mer!
 
Schlööfele im fluffibettli ! denkste—si wott bi mer im bett pfüüsele !!! Au s’autofaare esch so öpis! Si wetti ofem biifaarersetz si – denn stemmts för si—jetz suechi e chorb met gwölbtem gitterdeckel- sösch mues si jo emmer aabonde si.
 
Si esch do scho rechtig deheim- hed eri lieblengsplätzli—ofeme clubsässel, ofem coutsch oder ….
 
Si verstoot scho, wenni säge—bisi mache! Au -warte ! ( vor de tör oder ob de stäg zom chäller). Das met de bächerli ond de gudeli hed si sofort kapiert.
Eifach nor schön!!!
 
Grüessli usem fricktal  
Heidy C. ond Sofia

24. Juli 2023 Ein Monat Sofia :
07.07.23:
Grüezi frau scheidegger,
d’sofia esch jetz scho e monet bi mer. Si esch e rächti persönlechkeit worde. Si weis , am morge gots of di chli bisi/gaggirondi, denn gets z’morge.öpe am halbi 11i gots ofenes längers tüürli- mängisch nämemer no de jonny met- denn mues si e chli gruie.
Om di 2 es bisi bim stall obe- gäge obig nomol öpe e halbstond zom schnoppere onderwägs. Bevor mer gönd go schlöfele gets no es «guetnacht-bisi». Das hed si schnell tschegget.


Am mändig hani metere zom tierarzt müesse.Si hed öpis am lenge vorderpfötli gha. Si hed wie verrockt gschläcket, aber i ha nüüt gse, i has füessli bädelet, aber es esch ned besser worde.
Bim tierarzt esch mis söfeli zom «gremling» worde- si hed sech vo dene ned lo aalänge- hed gschroue wie es säuli.
Debi händ si nor welle d’höörli abrasiere. I ha die üebig abbroche! Si händ 2 beruhigongstablettli metgä-iinää 1,5std.vor bsuech.
mer send am andere tag nomol gange. Mi tochter ond ech händ am obig nochli güebt.
Mer händ si beidi ohni theater öberall chönne aalänge. Drom esch d’tamara metcho ond metem  söfeli i praxis gange. hed ne zeigt, wiemer met ere omgoot- ooni mulchorb ond ooni betöibig—eifach met vel gfüül !
Es esch e entzöndig am aasatz vom össere chröieli ?! mer düend wiiter bädele, tüpferle ond abtröchne-
Vo öis lot sis lo mache. Si mues 4 täg esch tablettli nää gäge entzöndig .mer händ das im greff!
Mis söfeli esch scho öberall debii, si lauft sogar em mörfy de rang ab. Mörfys spazierbekanntschafte lönd en lenggs legge ond begrüesse zerscht di chlini dame.
Si bruucht schon o chli erziieig- si hed es schtuurs grendli- aber ech ha jo gedold ond ziit.
D’fochsdräck ond papiernastüechli send nömme entressant, lost of « wäää, gruusig!»
(am aafang hed si of “wiiss” heftig reagiert- d’nochberi ,wiiss aagleit, wisses tuech, wiissi bächer??!)
I be froo, dass s’söfeli hed dörfe zo mer cho- mer passe zäme- I gäbt si nömme!
Liebs grüessli
Heidy met sofia

27. April 2024 S’söfeli esch eifach herrlech! :
17.03.24:
Hallo,
weder emol öpis vo öis.
S’söfeli esch voll aacho. Si zeigt allne, dass si do deheim esch. Si cha aber au guet of erem sässel warte,
wenn öper ine chond- ond begrüesst erscht i de stobe enne. Verosse ond onderwägs muess si emmer
weder auto, velofaarer und sogar fuessgänger aabälle—aber ned alli !??! au do semmer am schaffe!
höt esches ganz guet gange wo 2 byker verbiigfaare send.
De letscht samschtig semmer schnell z’stein gsi. D’frau wüeterich hed e chuechestand vorem coop gha- die
glägeheit hani grad benotzt om die frau emol persönlech z’gsee—ond natürlech hani au welle s’söfeli
vorstelle. Si hed fröid gha.
Im momänt treniere mer «tierarzt», denn ändi monet wäre d’impfige no. Mer gönd 2x pro woche go es
Bsüechli mache- dört gets feini gudeli- si lot sech lo streichele , got of d’woog, fendet au de beweglech
Behandligstesch intressant, bliib schön troffe. Die arzthälferinne näme sech rechtig ziit- die händ verständnis
för di angscht wo si hed. Si chöndse sogar uflöpfe. Ech be so froo, dasi die tierarztpraxis in klingnau gfonde ha.
Au i d’hondeschuel gömmer jetzt de weder wenn mis handglänk weder z’bruuche esch. Ech ha deför vel
Chopfspeeli/ suechspeeli ond spuurespeeli met ere gmacht. Be gliich vel go laufe, hasi aber amene gurt aabonde gha,
welli nor 1 hand ha chönne bruuche. Aber es chond emmer besser- sed 2 woche dörfi weder autofaare! Supi!
 
Das wär so s’nöischte!  
Grüessli  
Heidy ond sofia


24.04.24:
Hallo sandra,
weder emol öpis vo öis!
S’söfeli hed sech geschter sälber öbertroffe!! Si hed müesse go impfe !
Noch de schlächte erfaarige letschts joor hani e rechtige bammel gha- ond ha e nöie tierarzt gsuecht-
I be föndig worde- «xenta’s tierärzte» z’klingnau! I ha afangs märz dört aaglüütet ond vo minere sofia verzält-
Ond gfögt, öb i dörf met ere cho «bsüechli» mache- ond di händ das guet gfonde. Mer send de 1-2xi de woche go es bsüechli mache.
Si händere d’praxisrüüm zeigt, si of de tisch glöpft, meteme chogelschriiber «pixli» simuliert – ond emmer gudeli gä.
Ond geschter esch si gempft worde – si hed nedemol omegluegt! Ech be soo stolz of mis “schätzibööni”!¨
Jetz müemer nor no das metem auto-aabälle i greff öbercho- mer gönd jetz i «privatstond»- nor mer 2i metere trainer !
Mer hand scho vel g’lernt ond schaffe das «metbrochte rocksäckli» scho no uuf!
S’söfeli esch eifach herrlech! Mer passe zäme !
 
Liebi grüessli
Heidy ond sofia
 
PS, ere 14jäärig frönd ,jonny, mues all tag zo er echo ond metere ometolle! Er sig sösch deheim rechtig «rompelsorig»- aber
nochher ganz fredlech. So esch s’söfeli auno e chli e “therapie-hond”!